Погребот на принцот Филип, сопругот на британската кралица Елизабета Втора, ќе се одржи на 17 април во капелата на „Сент Џорџ“, во замокот Виндзор, соопшти вчера Бакингемската палата.
Церемонијата во Виндзор, западно од Лондон, ќе се пренесува на телевизија поради ограничувањата воведени поради коронавирусот. Пред почетокот на погребот на принцот Филип ќе му биде оддадена почит со едноминутно молчење.
Кралските власти соопштија дека на погребната церемонија ќе присуствува внукот на 99-годишниот Војвода од Единбург, принцот Хари, но неговата сопруга Меган, која е во подмината бременост, била советувана да не патува од САД поради медицински причини.