Објавен е нов трејлер за документарецот за принцот Хари и неговата сопруга Меган Маркл, снимен од Netflix.
Еден детаљ особено го привлече вниманиет на гледачите, кога Хари вели дека се „плаши“ неговата сопруга да не ја доживее истата судбина како и неговата мајка, принцезата Дијана.
Во трејлерот на серијата Хари ја објаснува историјата на лош третман на жените кои стануваат дел од кралското семејство.
„Болката и страдањето на жените кои стапуваат во брак во оваа институција, оваа бесна глад“, вели Хари додека на екранот се нижат слики од неговата покојна мајка, принцезата Дијана и насловите на таблоидите.
„Бев преплашен. Не сакав историјата да се повтори“, додава Хари.
Краток коментар има и од Меган, која сфатила дека кралското семејство „никогаш нема да ја заштити“.
Во трејлерот, кој трае повеќе од една минута, брачната двојка е интервјуирана пред камера додека се прикажуваат интимни фотографии од нивниот живот зад сцената. Исто така, се слуша како принцот Хари вели дека никој не гледа „што се случува зад затворени врати“ и дека морал да направи сè за да го заштити своето семејство.
Од Netflix велат дека во документарната серија, војводата и војвотката од Сасекс ја споделуваат другата страна од нивната љубовна приказна и ветија дека тоа ќе биде „невиден поглед на еден од најкоментираните парови во историјата. "
Netflix потврди дека првите три епизоди од долгоочекуваната серија ќе бидат прикажани на 8 декември, а останатите три на 15 декември.