Новата верзија на оперативниот систем доаѓа со Apple Intelligence пакетот напредни функции, кои се задолжени за вештачката интелигенција, што на корисниците им носи голем број нови опции.
Apple објави iOS 18.1, заедно со уште две нови верзии на ажурирани оперативни системи за своите уреди, iPadOS 18.1 и macOS Sequoia 15.1. Надградбата го носи Apple Intelligence, новиот пакет на функции на Apple за кои е задолжена вештачката интелигенција.
Apple Intelligence носи голем број нови функции за корисниците, вклучувајќи: Writing Tools - нови алатки за пишување „достапни речиси секаде каде што можете да пишувате“, кои овозможуваат пишување, уредување текст и сумирање на текст.
Дигиталниот асистент Siri сега „изгледа попаметен и подобар од порано“ и има можност да користи ChatGPT за одредени прашања. Апликацијата Photos сега има можност да отстранува предмети од фотографии со новата функција Clean Up, која пребарува по опис на она што корисникот го бара.
Ново е и резимето на известувањата, односно режимот наречен Reduce Interruptions, кој користи вештачка интелигенција за „филтрирање“ на најважните известувања, а носи подобрувања во користењето на електронската пошта.
И покрај сите иновации на вештачката интелигенција, iOS 18.1 носи подобра контрола на камерата (Camera Control) која овозможува брз премин од главната кон предната камера, во сите модели на iPhone произведени во 2024 година. Нов е и просторниот режим на снимање фотографии и видео на телефоните iPhone 15 Pro и 15 Pro Max.
Новото ажурирање ја носи и новата функција AirPods Hearing Test, која го тестира слухот на корисникот користејќи безжични слушалки, заедно со слушно помагало (кое функционира како слушно помагало од медицинска класа) и заштита на слухот (ја минимизира изложеноста на гласна бучава од околината). Сите овие функции се компатибилни со слушалките AirPods 2.
iOS 18.1 е достапен за сите компатибилни уреди, пред сѐ за сите актуелни модели од серијата iPhone 16, кои ќе можат да користат најголем број нови функции за вештачка интелигенција. И сопствениците на следните модели на постари телефони на Apple ќе можат да ја користат новата верзија на оперативниот систем:
- iPhone 15
- iPhone 15 Plus
- iPhone 15 Pro
- iPhone 15 Pro Max
- iPhone 14
- iPhone 14 Plus
- iPhone 14 Pro
- iPhone 14 Pro Max
- iPhone 13
- iPhone 13 mini
- iPhone 13 Pro
- iPhone 13 Pro Max
- iPhone 12
- iPhone 12 mini
- iPhone 12 Pro
- iPhone 12 Pro Max
- iPhone 11
- iPhone 11 Pro
- iPhone 11 Pro Max
- iPhone XS
- iPhone XS Max
- iPhone XR
- iPhone SE (модел од втора генерација или понов).
Apple Intelligence моментално е достапен само на американски англиски јазик, а локалната англиска поддршка за Австралија, Канада, Ирска, Нов Зеланд, Јужна Африка и Обединетото Кралство доаѓа во декември.
Европските корисници ќе мора да почекаат до следниот април 2025 година за Apple Intelligence.
Во исто време, поддршката за овој пакет функции за вештачка интелигенција ќе биде проширена на англиски јазик за Индија и Сингапур, потоа француски, германски, италијански, јапонски, корејски, португалски, шпански и виетнамски, што ќе биде глобално издание на Apple Intelligence.
