Деновиве „Game of Thrones“ повторно се актуализираше поради најавите за кастингот на долго очекуваниот спиноф, а веќе денеска беше објавена и првата фотографија од снимањето на осмата и последна сезона на оваа популарна телевизиска серија.
На фотографијата се наоѓаат Денерис Таргариен (Емилија Кларк) и Џон Сноу (Кит Харингтон), а локацијата пред која се наоѓаат многу потсетува на Винтерфел.
Седмата сезона на серијата заврши со сексуален акт помеѓу Денерис и Џон Сноу, додека одеа кон Винтерфел, каде веројатно Самвел Тарли ќе им соопшти дека тие се всушност роднини. Фотографијата од двата главни ликови денеска се појави на насловната страница на магазинот Entertainment Weekly.
„Game of Thrones“ ќе заврши по емитувањето на осмата сезона, а нејзината премиера ќе биде некаде кон средината на наредната година. Ако може да им се верува на американските медиуми, тогаш би требало да добиеме нови епизоди од серијата веќе во април 2019 година.
