Мет Мурдок се враќа на малите екрани, облечен во препознатливиот костум. Слепиот суперхерој продолжува со авантурите во серијата на Netflix, „Daredevil“, која би требало да излезе до крајот на оваа година.
Ако издржавте до крајот на втората сезона од „Iron Fist“, тогаш веројатно го имате видено скриениот тизер за „Daredevil“, кој се појави на самиот крај од последната епизода.
Во тизерот Мет Мурдок решава конечно да ја прифати неговата темна страна. Преку цитирање на пасус од Библијата, тој се исповеда и го кажува она што му лежи на душа, а тоа значи неволја за секој кој ќе му застане на патот.
По одлично прифатените две сезони, третата рунда од пресметката на „Daredevil“ се враќа на Netflix до крајот на оваа календарска година.