RedMagic, гејмерскиот бренд на ZTE (поточно, неговиот отсек Nubia), претстави два нови телефони во соработка со кинескиот гигант Tencent.
Станува збор за моделите RedMagic 6 и RedMagic 6 Pro кои веќе се претставени во Кина, а на другите пазари ќе пристигнат кон крајот на овој месец.
RedMagic 6 има процесор Qualcomm Snapdragon 888, активно ладење со вентилатор, 6,8-инчен 1080p OLED екран и брзина на освежување од дури 165Hz, што значи дека во моментов има најбрз екран на пазарот.
RedMagic 6 Pro е скоро идентичен, но доаѓа со 18 GB RAM меморија и поддржува полнење од 120W, така што неговата батерија од 4.500mAh може да се полни за само 17 минути.
На задната страна се наоѓаат три камери од 64MP, 8MP и 2MP, додека на предната страна селфи камера од 8MP.
Стандардниот RedMagic 6 се напојува со поголема батерија од 5.050 mAh која поддржува побавно полнење од 66W, па за целосно полнење потребни се 38 минути.