Нови 12.870 дози вакцини Pfizer пристигнаа денеска во земјава од редовната пратка што ја добиваме секој понеделник.
Министерството за здравство соопшти дека 8.190 дози од нив се од билатералниот договор со производителот Pfizer, а 4.680 се во рамките на програмата „Тим Европа“ (Team Europe).
Во земјава утре треба да пристигнат и 20.000 вакцини на AstraZeneca од Грција.
– Оваа донација е многу значајна за нас. Голема благодарност до грчкиот народ и до амбасадорот на Република Грција кај нас, Русос Кундурос. Пристигнувањето на новите дози вакцини се одвива навремено и, согласно ова, имунизацијата има одличен тек, наведува Министерството за здравство.