Вселенската компанија на сер Ричард Бренсон Virgin Galactic го прекина денешниот обид на SpaceShipTwo за пробен суборбитален лет од вселенскиот аеродором во Ново Мексико, САД.
Леталото WhiteKnightTwo што го носеше SpaceShipTwo возилото наречено VSS Unity полета од специјално изградениот Spaceport America во Ново Мексико во 10:24 часот по локално време. VSS Unity се одвои од WhiteKnightTwo во 11:15 часот. Според онлајн преносот на NASASpaceFlight.com, леталото ги го активираше хибридниот ракетен мотор, но тој се исклучи набрзо потоа. Леталото безбедно се врати на вселенскиот аеродром во 11:27, а екипажот е безбеден.
Ова требаше да биде „пионерски“ лет - првиот лет со екипаж од наменски изградениот комерцијален космодром во Ново Мексико. Требаше да биде првиот од трите последни пробни летови, пред да започнат комерцијалните летови. За време на третата проба, Бренсон ќе ја испроба услугата што ја ветува веќе 16 години. Пред тоа, компанијата треба да помине низ неколку последни подготовки.
Мисијата денеска имаше само двајца пилоти - поранешниот астронаут на НАСА, Си Џеј Стaрков и главниот тест пилот на Galactic, Дејв Мекеј.
Компанијата на Бренсон ќе почне вселенски туризам во 2021 година. Повеќе од 600 луѓе веќе платиле и си резервирале место - меѓу нив се Џастин Бибер и Леонардо ди Каприо.
На инженерите им требаше долго време да ја донесат технологијата на нивото што го посакуваа, а целиот процес, се разбира, забави оваа година поради кризата предизвикана од COVID-19.
Компанијата Virgin Galactic неодамна откри како изгледа туристичка кабина. Патниците ќе имаат екрани пред нив за да ги гледаат податоците за летот, а 12-те големи прозорци - повеќе од кое било вселенско летало во историјата, според компанијата - се дизајнирани така што патниците ќе можат да уживаат во погледот. По лансирањето ќе може да ги тргнат појасите и слободно да лебдат низ кабината.