Полициски службеници од СВР Скопје – ЕВР Ѓорче Петров го лишиле од слобода Б.Р. (28) од Крива Паланка, со престој во Скопје.
Како што соопшти МВР, тој се сомничи дека довел во заблуда лице од Штип, лажно претставувајќи се како вработен во МВР и му ветил дека може да му извади лиценца за обезбедување и возачка дозвола без полагање, при што во два наврати му зел вкупно 1.782 евра.
При претрес во домот во кој престојува во Скопје, извршен со судска наредба, биле пронајдени и одземени предмети поврзани со кривичното дело.
Тој бил приведен и задржан во полициска станица и по целосно документирање на случајот против него ќе биде поднесена соодветна пријава.
