Скопје, 2 март 2021 (МИА) – Инспектори од Единицата за недозволена трговија со дрога при СВР Скопје по добиена наредба од Основен кривичен суд, синоќа во 19:20 часот извршиле претрес во домот на А.П.(24) од Скопје.
При претресот пронајдено е ЛСД, дигитална вага со остатоци од марихуана и семки од канабис, соопшти Министерството за внатрешни работи.
Лицето е лишено од слобода за понатамошна постапка и по целосно документирање на случајот ќе биде поднесена пријава за сторено кривично дело „Неовластено производство и пуштање во промет на наркотични дроги, психотропни супстанции и прекурсори” казниво по член 215 од Кривичниот законик, посочуваат од МВР. рп/ац/
Полициски службеници привеле и кумановец, откако кај него е пронајден кокаин, соопшти денеска МВР.
– На 28 февруари 2021 година во 21:30 часот во Куманово, полициски службеници од СВР Куманово го лишиле од слобода С.Г.(30) од Куманово затоа што при преглед кај него бил пронајден кокаин, се наведува во соопштението на Министерството.
Тој бил приведен во полициска станица и по целосно документирање на случајот против него ќе биде поднесена соодветна пријава.
