Португалскиот напаѓач Кристијано Роналдо и денеска тренираше одделен од соиграчите и со тоа уште еднаш го доведе во прашање својот настап во саботното Ел Класико, односно дербито меѓу Реал Мадрид против Барселона, во рамките на 17 коло од шпанската Ла Лига.
Петкратниот освојувач на Златна топка има проблеми со повредата на листот, со која се здоби во финалето на Светското клупско првенство против Гремио.
Реал Мадрид вчера објави дека нивната најголема ѕвезда вежбала посебно и без топка, а истата ситуација се повтори и денеска.
За потсетување, најголемото дерби во шпанскиот фудбал закажано е за сабота со почеток од 13 часот на стадионот „Сантијаго Бернабеу“.
Шпанските медиуми последниве неколку дена шпекулираа, дека во овој натпревар во нападот на Реал, прв пат после април, би требало да заигра популарното трио BBC (Бензема, Бејл и Роналдо), но изостанокот на Португалецот од тренинг ја доведува оваа можност во прашање.