Алексис Санчес заработи повреда играјќи на пријателска за Чиле, а прогнозите велат дека потребна е хируршка интервенција и пауза од три месеци.
Чиле и Колумбија во саботата играа пријателски натпревар во шпанскиот град Аликанте. Во 88-мата миунута Санчес мораше да го напушти тенерот откако заработи повреда на зглобот при еден дуел со Хуан Куадрадо, инаку играч на Јувентус.
Во истиот град, Чиле утре се среќава со Гвинеја, а Санчес нема да биде дел од тимот бидејќи веќе се врати во Милано на прегледи кај својот Интер.
„Го загубивме Алексис за овој натпревар, а доколку Интер реши да го оперира ќе биде надвор два или три месеци. Штета, таман почна да игра за својот клуб, даде два гола и играше во Лигата на шампиони. Сега ја чекаме одлуката на Интер, ќе видиме што ќе одлучат. За нас е Алексис Санчес, за Интер е еден од нивните играчи“, изјави чилеанскиот селектор Рејналдо Руеда.
Одлуката ќе биде на Антонио Конте и медицинскиот тим кои треба да решат што е најдобро за играчот. Итна операција може да го исфрли Санчес од игра до Нова Година што би значело опција помалку во офанзивниот ред за претстојните важни натпревари во Серија А и Лигата на шампиони. Во спротивно, играчот би ризикувал посериозна повреда и подолго отсуство.