Бројот на нови регистрирани автомобили во Европа во октомври се зголеми за 8,6%, што е највисоко ниво од 2009 година, покажаа најновите статистички податоци.
За ваквиот драстичен скок влијаеше силната побарувачка во Германија и во Франција, како и растот на побарувачката за возила на Volkswagen за 29%, објави Reuters.
Бројот на регистрирани автомобили се зголемил на 1,21 милион автомобили во земјите на Европската Унија и Европската асоцијација за слободна трговија (EFTA), покажаа податоците на Европското здружение на автомобилската индустрија (ACEA).
Продажбата на Renault порасна за 15,8%, а на Hyundai за 13,4%.
Во Германија, побарувачката за автомобили се зголеми за 12,7 проценти, а во Франција за 8,7%. Тоа помогна да се неутрализира падот на бројот на новорегистрирани возила во Велика Британија од 6,7 проценти, покажаа податоците на ACEA.
Лани во октомври, производителите на автомобили имаа потешкотии поради прилагодувањето на построгите прописи во врска со загадувањето на воздухот што стапија на сила на 1 септември, 2018 година.