Производителот на автомобили Renault во 2020 година забележа пад на продажбата од 21,3 отсто.
Групацијата лани има продадено 2,9 милиони автомобили. Падот на продажбата на Renault е „главно како резултат на високата изложеност во земјите кои претрпеа строги ограничувања и прекинување на нивните трговски активности во вториот квартал, како и забавувањето во четвртиот квартал, особено во Франција“, прецизираат од Renault.
Во Европа, продажбата опадна за 25,8 отсто, на 1,4 милиони автомобили.
– Второто полугодие покажа подобра еластичност и добри перформанси на пазарот на електрични и хибридни автомобили, уверува директорот за продажба Денис ле Вот.
На крајот на декември, додаде тој, групацијата објави ниво на нарачки за 14 отсто поголеми од оние за 2019 година во Европа и ниво на залихи опаднати за 20 отсто.
– Сега се фокусираме на профитабилноста во однос на обемот на продажба, со поголема нето маржа по возило, на секој наш пазар, рече генералниот директор на Renault, Италијанецот, Лука Де Мео.
Според него, првичните резултати се веќе видливи во втората половина на 2020 година, особено во Европа каде што брендот Renault напредуваше на најпрофитабилните канали на продажба и го зајакнува своето лидерство на автомобилите на електричната енергија. Renault продолжи да доминира на пазарот на електрична енергија во Европа во 2020 година со продадени 115.888 возила, од кои 100.000 автомобили од типот ZOE. Исто така, лансираше електрифицирана верзија на својот мини-градски автомобил Twingo и за 2021 година го претстави електричниот модел, што сака да биде најевтиниот на пазарот, Dacia Spring.