Пристигнаа првите критики за „Avatar: The Way of the Water“, а изгледа дека режисерот Џејмс Камерон повторно ги одушеви филмските критичари.

И додека обожавателите ширум светот со нетрпение чекаат да го видат продолжението на најпрофитабилниот филм во историјата, критичарите добија шанса да го видат пред официјалната премиера и едноставно се одушевени.
Брендон Дејвис, критичар на стрипови, го опиша филмот како „визуелна гозба“.
„Avatar: The Way of Water трае повеќе од 3 часа и е пријатен за гледање. Сепак, кога ќе заврши сакате да знаете кога ќе пристигне третиот дел. Филмот е константна визуелна гозба, како игра што никогаш не здосадува. Многу ми се допадна“, напиша Дејвис.
Критичарот Том Пејџ од CNN вели дека продолжението го направи незамисливото во филмската индустрија со тоа што е подобро од оригиналот.
„Поубав е, предизвикува поголема стравопочит кон Пандора, погласен е во еколошката амбиција за заштита на околината, повеќе ги осудува луѓето. Тоа е адреналински скок за снимање 3D филмови и бескомпромисно удвојување на очекувањата“, напиша Пејџ.
Критичарката Јоланда Мачадо од Entertainment Weekly го нарече „Танц со волците за генерацијата Z“.
„Џејмс Камерон е мајстор на технологијата и неговата режија е најпрецизна токму овде. Филмот во целина, иако е технолошко чудо со свет што го одзема здивот, е како Dances With Wolves и Free Wily за генерацијата Z!“ напиша таа на Twitter.
Пери Немироф од Collider смета дека продолжението е „прилично неверојатно“.
„Верував дека Џејмс Камерон ќе ја подигне границата со ефекти, но овие визуелни ефекти се неверојатни. Една неверојатна сцена по друга. Но, она што најмногу ми се допадна е како техничките достигнувања секогаш се во служба на ликовите и градењето на светот“, напиша Пери во освртот.
Главните улоги во филмот ги толкуваат Сем Вортингтон, Зои Салдана, Сигурни Вивер, Стивен Ланг и Кејт Винслет.