До крајот на април се очекуваат вакцини од Кина и Pfizer

Продолжува намалувањето на бројот на новозаболени од COVID-19

По мини пикот на новозаболени од COVID-19 на почетокот на неделава, последните бројки на новодијагностицирани бележат тренд на намалување, па така според вчерашната статистика регистрирани се 890 нови случаи на инфицирани со коронавирусот од направени 3.284 тестови. Во исто време, продолжува имунизацијата на населението со динамиката согласно располиживите вакцини и во очекување на нови дози од Кина и Pfizer, кои според најавите, треба да пристигнат во земјава до крајот на месецов.

Министерот за здравство Венко Филипче вчера оцени дека притисок во болниците, кој го имаше претходно, последниве денови е намален, нагласувајќи дека бројката на новохоспитализирани неделава е помала отколку претходната седмица.

Тој изрази надеж дека овој тренд ќе продолжи и следните денови, оценувајќи дека ова знаци оти актуелниот бран стивнува.

Според податоци на Министерството за здравство, во претходните 24 часа во ковид-центрите во Скопје биле примени 68 нови пациенти поради компликации од коронавирусот. Вкупниот број на пациенти позитивни и суспектни на коронавирусот кои се лекуваат во болниците во земјава вчера изнесуваше 1687 и имаше околу 340 празни болнички кревети.

Филипче информира дека целокупниот процес на вакцинација во земјава се одвива согласно планот и расположивиот број на вакцини, потенцирајќи дека од почетокот на имунизацијата не е фрлена ниту една доза, иако на закажаните термини во просек не се јавуват околу 20 отсто од лицата.

Тој најави дека од Амбасадата на Кина добиле потврда дека околу 28 април во земјава треба да пристигнат околу 200.000 кинески вакцини, а пред тоа, на 19 и 26 април и по 10.000 вакцини на Pfizer.

Според него, веќе се обезбедени 2,6 милиони дози и нема потреба од дополнителна нарачка на вакцини.

– Нам во овој момент не ни треба нарачка на вакцини затоа што согласно планот како што е димензиниран и сите досегашни договори имаме обезбедено 2 милиони и 600 илјади вакцини. По 800 илјади вакцини треба да стасаат преку системот Ковакс и директниот договор со Pfizer, потоа по 200 илјади руски и кинески вакцини, 100 илјади вакцини кои треба да дојдат како помош од системот на солидарност преку ЕУ и 500-те илјади вакцини на Sinovac, кои треба да стасаат во мај. Тука процесот е заокружен, рече Филипче.

Тој истакна дека евентуалното продолжувањето на сегашните рестриктивни мерки по 20 април ќе зависи од епидемиолошката состојба и индикаторите кои се следат при носењето на одлуките за нивно воведување.

– Нема да има ниту еден друг параметар или критериум освен заштита на здравјето, а во таа смисла проценка на епидемиолошката состојба која ќе биде причина мерките да продолжат или да се модифицираат, рече министерот за здравство, додавајќи дека надлежните институции ќе разговараат за ова и согласно состојбата ќе донесат соодветни одлуки.

Според вчерашните податоци на Институтот за јавно здравје во деноноќието меѓу средата и четвртокот се регистрирани 890 нови случаи на COVID-19, 1024 оздравени пациенти и 35 починати лица.

Со последните цифри, вкупната бројка на ковид-дијагностицирани лица во земјава од почетокот на епидемијата достигна 145.001, на оздравени пациенти 120.707, а на починати е 4.357, при што вчера имало 19.937 активни случаи.

Регионалниот директор на Светската здравствена организација (СЗО) за Европа, Ханс Клуге вчера потврди дека минатата недела бројот на смртни случаи како последица на коронавирусот на европскиот континент надмина еден милион.

– Ситуацијата во нашиот регион е сериозна. Секоја недела се регистрираат околу 1,6 милиони нови случаи, што значи бројка од 9.500 инфицирани на час или 160 во минута, изјави Клуге, додавајќи дека бројот на смртни случаи на луѓето постари од 80 години се намалува почнувајќи од февруари, но дека процентот на хоспитализации е сè уште на високо ниво.

Тој потсети дека во Европа се користат седум вакцини против COVID-19, при што приближно 13 проценти од европското население ја примило првата доза на вакцината, а шест проценти втората.

Истражување спроведено на 500.000 пациенти кои заболеле од COVID-19 покажува дека згрутчување на крвта се јавило кај 39 лица на милион заразени, при што според авторите на студијата ризикот од појава на ретка церебрална венска синусна тромбоза (ЦВСТ) е осум до десет пати поголем по зараза со коронавирус, отколку по примањето на некоја од постоечките антиковид вакцини.

Според истражувачите, COVID-19 е повеќе поврзан со мозочен удар отколку со ЦВСТ и дека сегашната дебата за вакцините ја испуштила од вид можноста за појава на потешка форма на болеста. 

реклама

Три уреди во домот што никогаш не треба да се исклучуваат од струја

Read more

Научници открија која храна го зголемува ризикот од рак

Read more

Полната Месечина во Скорпија на 24 април ќе направи хаос

Read more

Посипете маслиново масло врз ловоров лист и ќе се изненадите колку е моќен

Read more

Македонија

Одзивот до 13 часот е 26,35 отсто – најмногу гласале во Новаци, а најмалку во Врапчиште

Read more

Штипјанец и скопјанка ги фотографирале гласачките ливчиња, димна бомба на гласачко место во Скопје

Read more

На 12,78 отсто се искачи одзивот до 11 часот, најголем во Демир Капија 23,99 отсто

Read more

3,85 отсто е одзивот во првите 2,5 часа, 12 приговори пристигнале во ДИК

Read more
 

Вести

  • play_arrow

Одзивот до 13 часот е 26,35 отсто – најмногу гласале во Новаци, а најмалку во Врапчиште

Читај повеќе

ОЈО Делчево истражува обид за изборен поткуп со бесплатно вградување водомери

Читај повеќе

Приведен охриѓанец кој го фотографирал гласачкото ливче

Читај повеќе

Северот на Европа е под силен руски притисок, истокот крвари, а една земја плаќа висока цена

Читај повеќе

Штипјанец и скопјанка ги фотографирале гласачките ливчиња, димна бомба на гласачко место во Скопје

Читај повеќе

Скокнаа цените на нафтата, остар пад на доларот

Читај повеќе

На 12,78 отсто се искачи одзивот до 11 часот, најголем во Демир Капија 23,99 отсто

Читај повеќе
  • play_arrow
  • filter

Атина обвиена во сахарска прашина - личи на колонија на Марс

Читај повеќе

3,85 отсто е одзивот во првите 2,5 часа, 12 приговори пристигнале во ДИК

Читај повеќе