Активистките за женски права и неколку илјади луѓе кои ги поддржуваат, и вчера, петти ден по ред протестираа ширум Полска поради измените на законот за абортус.
На улиците во Варшава излегоа воглавно млади демонстранти и го блокираа собраќајот за време на најголемата гужва.
Во Краков демонстрантите извикуваа „Ова е војна“.
Полскиот Врховен суд минатата недела одлучи дека е неуставно да се прекине бременоста поради вродени оштетувања на фетусот.
Одлуката на судот сè уште не стапи во сила, бидејќи сè уште не е официјално објавена.
Невладината организација Федерација на жени и планирање на семејството соопшти дека годишно во Полска се извршуваат од од 100.000 до 150.000 абортуси, од кои некои илегално, а некои во странство.