Откако минатата година излезе последното продолжение на филмот за Џејмс Бонд со Даниел Крег во главната улога, обожавателите покренаа расправа за тоа кој актер би сакале да го видат како негов наследник.
Се шпекулираше дека тоа би можело да биде Реге-Жан Пејџ, Том Харди и други имиња, но продуцентите на Бонд истакнаа дека од сите можни избори на актер особено им се допаѓа Идрис Елба. Сепак, опциите засега се отворени.
„Кога го ангажираме новиот Бонд, тоа е обврска од 10, 12 години, па веројатно актерот размислува дали навистина сака ваква улога. Не секој прифаќа такво нешто“, велат од продукцијата.
Но, кастинг тимот за Џејмс Бонд ќе бара поискусен актер кој би можел подобро да го отелотвори искусниот шпион.
„Претходно се обидувавме да гледаме помлади луѓе, но не успеавме да го визуализираме тоа. Запаметете, Бонд е веќе ветеран, има искуство. Тој е лик кој минал низ војни, како што се вели“, соопшти Мајкл Г. Вилсон, долгогодишен продуцент на Бонд филмовите.
Факт е дека филмовите со тајниот агент 007 се извор на непресушна инспирација, за тоа потврдува и фактот дека Том Холанд имале идеја за спин-оф, но од Sony засега нема таков интерес.