Добивката на американската фармацевтска и биотехнолошка корпорација Pfizer во вториот квартал се зголеми над проценките на аналитичарите, објави денеска компанијата.
Добивката се зголеми на 9,91 милијарди долари или 1,73 долари по акција, од 5,56 милијарди долари или 0,98 долари по акција во вториот квартал минатата година.
Pfizer, исто така, извести за приспособена заработувачка од 11,66 милијарди долари, или 2,04 долари по акција, за истиот период. Аналитичарите во просек очекуваа компанијата да заработи 1,80 долари по акција, според податоците собрани од канадскиот конгломерат Thomson Reuters . Проценките на аналитичарите обично исклучуваат посебни ставки.
Приходите на компанијата во вториот квартал скокнаа за 46,8% на 27,74 милијарди долари од 18,90 милијарди долари во истиот период минатата година.