Тајна состојката менува сè - прокељ направен по рецептот на Гордон Ремзи ќе им се допадне и на најпребирливите.
Прокељот е богат со протеини, диетални влакна, омега 3 и омега 6 масни киселини, витамини Ц, А, К, Е и Б комплекс, минерали, а најмногу се калиум, манган, бакар, калциум, железо и фосфор. Без разлика на бројните придобивки за организмот, голем број луѓе сѐ уште одбиваат да го јадат. Доколку правилно го подготвите, гарантираме дека сите ќе се воодушеват, а наш предлог е рецептот на Гордон Ремзи. Направете прокељ со сланина и печени костени, па дури и најпребирливите ќе го изедат.
Потребни состојки:
- ½ кг прокељ
- 200-300 гр сланина
- 3-4 печени костени
- малку кора од лимон
- малку сок од лимон
- маслиново масло
- сол
- бибер
Подготовка:
Отстранете 2-3 листови од површината, исечете го дното и преполовете го секој прокељ. Бланширајте во врела вода неколку минути. Загрејте ја тавата и истурете една лажица маслиново масло, па додадете ја сечканата сланина. Зачинете со сол и бибер. Процедете го прокељот и додадете ги во садот со сланината. Кон крајот додадете сечкани печени костени, а 10 секунди пред да го исклучите шпоретот додадете рендана кора од лимон и малку сок од лимон.
