На овој тренд ќе паднат и оние кои не сакаат да носат патики освен за спорт и рекреација.
Секоја пролет доаѓа нов тренд на патики, но оваа година патиките стануваат најженствени досега. Ова не се класичните старки или Adidas Oroginal.
Оваа сезона фокусот е на материјалот, а обликот на патиките не е толку важен.
Сатенските патики фрлаат сенка на секој друг избор за обувки оваа пролет: женствени, елегантни, удобни, несекојдневни, посебни.
Инспирирани од балетанките, сатенските патики се истовремено спортски удобни и елегантно женствени, а најдобро од сѐ е што се вклопуваат во сите комбинации.
За овој тренд делумно е заслужна и Ријана која понуди модел на сатенски патики со панделка во нејзината колекција за Puma.
Џил Сандер, Педро Гарсија и Марко де Винченцо се само дел од дизајнерските имиња кои понудија свои верзии на сатенските патики за престојната сезона.
Трендовското парче е достапно и во модели на хај стрит брендовите како H&M, Zara, ASOS и TopShop.