Живот

Пролетта почнува денес во 11 часот и 29 минути

20. март 2017 - 8:55 | А.С.

Во северната хемисфера на Земјата денес почнува астрономската пролет, а овој ден, 20 март, ќе биде првиот ден во годината со еднакво траење на сончевиот и ноќниот период во денот.

Пролетта ќе почне во 11 часот и 29 минути и ќе ја одбележи пролетната рамноденица, односно моментот кога замислената линија на сончевото „патување“ по небото ќе го пресече небесниот екватор, односно проекцијата на земјиниот екватор на небото.

Секако, според астрономското или календарското сметање, важно е и она метеоролошкото, со кое за жал, не се поклопува секогаш.

Следната рамноденица ќе се случи на 22 септември, кога на северната хемисфера ќе почне есента, а на јужната-пролетта.

На 21 јуни ќе биде најдолгиот ден во годината.

Коментирај