Откако конечно почна да игра како што треба сезонава, барем за да ја оправда огромната сума што Барса ја плати за неговите услуги, Антоан Гризман повторно потфрли.
При изведувањето пенали на натпреварот од шпанскиот Суперкуп против Реал Сосиедад повторно имаше промашување.
Барселона конечно успеа да го донесе Гризман летото 2019 година со обештетување од 120 милиони евра, но за време на неговата прва сезона во Каталонија тој никогаш не заигра како фудбалерот кој ѝ донесе светска титула на Франција и кој со години беше клучен играч на Атлетико.
Оваа сезона тој потсетува на својата стара верзија, а во тој стил продолжи и против својот поранешен клуб во полуфиналето од Суперкупот. Му намести гол на Френки де Јонг, со што учинокот сезонава му е седум гола и пет асистенции.
Реал Сосиедад изедначи, па финалистот се решаваше со пенали. Играчите и на двата клуба слабо се покажаа. До четвртиот круг и Гризман, погодиија само тројца од седумте изведувачи, но од нив двајца беа играчи на Барселона, па Гризман, кој шутираше втор во четвртиот круг, ќе ѝ донесеше победа на Барселона со удар од белата точка.
Играчот од 120 милиони евра и инаку одличен изведувач на пенали, истрча и шутираше со левата нога, но наместо победнички гол, тој го погоди 30-тиот ред на трибините зад голот на стадионот во Кордоба.
Следеше израмнување (2:2), но Барселона и Гризман ги спаси Рики Пуиг кој го погоди својот пенал за победа на Барселона од 3:2.