Филм & ТВ

Промени кај Оскарите: Нова категорија и пократки телевизиски преноси

8. август 2018 - 18:19 | К.З.

Бордот на гувернери на Академијата вчера воведе нови измени за церемонијата за доделување на Оскари во кои е вклучена една нова категорија која ќе ги наградува популарните филмови.

Претседателот на бордот при Академијата, Џон Бејли, беше реизбран на вчерашниот состанок и за отворање на новиот едногодишен мандат предложи три измени со кои верува дека ќе се подобри квалитетот и угледот на церемонијата на доделување Оскари.

Тој напиша писмо во кое ги објасни предложените измени, кои веројатно ќе бидат применети веќе на следното издание на Оскарите. Како дел од измените беше претставена идејата за пократки телевизиски преноси на Оскарите, кои ќе ја ограничат церемонијата на три часа.

Новата категорија која ќе биде за првпат претставена на следното доделување на Оскари ќе се фокусира на популарните филмови кои ја доживеале премиерата во периодот за кој се доделува наградата. Дополнителни детали ќе дознаеме откако Академијата ќе одлучи кои ќе бидат критериумите и името на истата.

Третата измена се однесува на датумот на одржување на церемонијата. Наредното, 91-во издание на Оскарите ќе се одржи на 24 февруари, додека 92-то (првото издание опфатено со измените) е преместено на 9 февруари.

Коментирај