Потопло време со сончеви периоди нѐ очекува до понеделник, по што поради продор на студена воздушна маса ќе настапи заладување со врнежи кои ќе преминат во снег.
Според прогнозата на УХМР, утре времето ќе биде променливо облачно и потопло со сончеви периоди. Утринските температури ќе бидат над нулата освен во Берово (-2). Максималната дневна ќе се движи од 5 до 13 степени. Во Скопје утринската ќе биде 0, а дневната ќе се искачи до 9 степени.
До понеделник ќе преовладува променливо облачно и потопло време со сончеви периоди, за време на викендот со умерен до засилен јужен, а во понеделник западен ветер.
Денес и утре слаби врнежи од дожд ќе има во западните делови. За време на викендот, претежно во попладневните часови, врнежи ќе има во поголем дел од земјава, ќе бидат со умерен интензитет и на места ќе бидат пообилни. На планините на запад ќе врне снег.
Поради продор на студена воздушна маса од понеделник кон крајот на денот повторно ќе настапи заладување со врнежи кои ќе преминат во снег и на повисоките места, а од вторник снег се очекува и на некои пониски места.
За време на викендот утринските темепратури над нулата, а дневните од 7 до 12 односно до 14 степени. Во вторник и среда минималните температури од -3 до 2, односно од -7 до -2, а дневните максимални од 2 до 9, односно од -1 до 5 степени.
