Времето денеска ќе биде променливо облачно, во западните и југозападните делови со повремени локални врнежи од дожд со послаб интензитет. Ќе дува умерен до засилен југоисточен ветер.
Во текот на ноќта почнувајќи од западните делови врнежите ќе се интензивираат и ќе се прошират и кон исток. Ќе дува умерен, на места повремено засилен југоисточен ветер. Максималната температура ќе биде во интервал од 12 до 17 степени.
Во Скопје, променливо облачно со умерен, повремено засилен југоисточен ветер. Во текот на ноќта ќе има повремен дожд. Максималната температура ќе достигне до 15 степени.
Утре ќе биде променливо облачно со повремени врнежи од дожд, на места пообилни (над 25 л/м2) особено на запад и во југоисточните делови. Ќе дува умерен, на места повремено засилен југоисточен ветер.
Потоа во наредните два дена ќе настапи преодно стабилизирање на времето, а од викендот следува период на променливо облачно и врнежливо време.