Скопје, 29 јули 2019 (МИА) – Времето во првата половина од денот ќе биде променливо облачно со повремен локален дожд и грмежи. Попладне облачноста ќе се намалува. Ќе дува слаб до умерен северозападен ветер.
Минималната температура ќе биде помеѓу 11 и 21, а максималната ќе достигне од 26 до 35 степени. УВ индексот ќе изнесува седум.
Во Скопје, претпладне променливо облачно со сончеви периоди и со услови за краткотраен дожд. Попладне сончево со мала до умерена облачност. Ќе дува слаб до умерен ветер од северен правец. Дневната температура ќе се движи од 19 до 31 степен.
Во наредните денови ќе биде сончево со мала до умерена облачност и слаб до умерен северен ветер. Во попладневните часови ќе има локален пороен дожд и ретки грмежи.
Потоа до петок ќе преовладува стабилно и многу топло време.