Промовирана сликовницата „Веселата зграда“ од Ана Голејшка Џикова и Драш во Литература.мк

Во весела атмосфера, со присуство на многу деца и нивните родители, вчера, 9 октомври, во книжарницата Литература.мк на улица „Македонија“, беше промовирана новата книга за деца „Веселата зграда“ од авторката Ана Голејшка Џикова и илустраторот Драган Китановски – Драш.

Промоцијата почна со кретивна работилница, на тема „Обој ја својата весела зграда“, на која најмладите гости дадоа свое, шарено видување на зградата од приказната на Ана и Драш. Така, добивме стотина уникатни згради, изградени од детската фантазија.

Сликовницата, која е во издание на „Либи“, дел од „Арс Ламина – публикации“, преку веселите стихови на поетесата Голејшка Џикова и разиграните илустрации од графит-артистот Драш, ни раскажува за жителите на една зграда со седум ката. Во неа, кат по кат, нè запознава со: учителката во пензија Ката, Молња и Громче, елекричарот чичко Ват, Јасна, Перо и нивниот мачор Неро, со младиот сликар, магичната Вера, кученцето Луна и семејството гулапчиња.

– „Веселата зграда“ е книга која се обраќа на најмладата публика, на возраст од 6 до 8 години и со тоа исполнува една благородна мисија за воведување на децата во светот на книжевноста, но и ја развива нивната фантазија и желбата за осознавање на светот. Авторката не се задржува само на визуелниот аспект, туку го комбинира и го збогатува со поетски текст преку кој го гради наративниот свет на книгата. Навидум тоа е кратка и едноставна структура, која се состои од седум песни кои се обрабени со куса воведна и завршна песна. Сепак, таа основна структура е темел за развивање и градење на еден богат свет на приказни, ликови и слики што е симболизирано со седумте ката на зградата. Зградата, воедно е метафората за патот, една од основните метафори во книжевноста која го отелотворува процесот на осознавање на светот кој нѐ опкружува. „Веселата зграда“ преку приказот на разновидноста на зградата и нејзините жители ги учи децата на вредностите на толерантноста, емпатијата и отвореност кон различноста. Исто така, книгата ги учи и на љубов кон животните и за благодетот да се има милениче во својот дом. На тој начин, оваа книга ја исполнува и својата образовно-воспитна функција што е една од основните улоги на книжевноста за деца – истакна промоторот и рецензент на „Веселата зграда“, Милан Дамјаноски, кој е доцент по англиска книжевност на Филолошкиот факултет „Блаже Конески“.

Авторката Ана Голејшка Џикова откри дека „Веселата зграда“ е еден отсечок од нејзината реалност, преточена во фантазија со сите ликови и форми, што Драш одлично ги долови.

– За да се случи „Веселата зграда“ веројатно требаше да почне да ми работи мислата на поинаков начин или да стигнам до тоа ниво на зрелост. Имено, јас веќе пишував за деца, малечки парченца стихови за списанието за ученици „Либи“ или нарација со рима за детските претстави за учениците на мојата сестра. Така, некако, интуитивно почнав да ја (о)пишувам зградата во која живееме со сопругот, директно инспирирана од соседите и животот тука. Во меѓувреме забременив и некако, коцките се наредија. Инаку, зградата од сликовницата, секако дека е нашата зграда, зградата на сите нас што имаме весели или намуртени соседи, маалско маче и кутре, мезанин во кој чуваме саксии со љубичици... Во помала зграда, секој кат е приказна. Имав среќа да растам во Карпош, маало со многу руски згради, многу соседи, многу деца и игри и тоа ми е врежано во мислата – дека и мојата ќерка заслужува да има другарчиња од маало, дружење и хармонија со нив. Пораката е очигледна – домувањето не е изолиран свет, напротив – тоа е мрежа, заедница на луѓе со кои секојдневно делиме еден заеднички простор. Патем, речиси сите ликови во сликовницата имаат пандан на некое од семејствата со кое соседуваме. А некако, кога почнав да ја пишувам, влегов во улогата на Зградата – раскажувачка и мислам дека мене ме има по малку во сите ликови – изјави Голејшка Џикова.

За познатиот графити и тату-артист, Драган Китановски, кој твори под псевдонимот Драш, ова е прво исксуство како илустратор на книга за деца.

– Цртам откако знам за себе, цртањето графити ми е вентил, така се ослободувам од негативната енергија и си ги полнам батериите. Имам многу сработено до сега:  за градинки, училишта, мурали на згради, кафе-барови низ Скопје, учествував во исцртувањето на првата галерија на отворено во ГТЦ, а последен позначаен проект ми беше креирањето мурали на Пречистителната станица во Струмица. Сепак, ова е поинкаво искуство за мене. Со Ана се знам одамна, но ова е прва наша соработка. Подготовката на сликовницата се совпадна со период кога и јас и Ана (со своите партнери) требаше да станеме родители. Многу бев среќен и возбуден што на илустрациите ќе им се радува и моето дете. Со секоја илустрација сакав да ѝ доловам на ќерка ми како се чувствував во периодот на изработка на книгата. Тоа ми беше многу голем мотив. Инаку, читајќи ја книгата, секој може да си препознае некој свој комшија во ликовите од „Веселата зграда“. Зградата е на Ана, но за илустрацијата на ликовите бев инспириран од мои другари, кои би сакал да ми бидат комшии: Тетка Ката се пресели во Германија и сега таму пече колачиња. Обожавам да се дружам со Јасна и Перо и да цртам со сликарот од четвртиот кат. Можно е јас да сум чичко Ват, само што не знам да свирам гитара... Веселата зграда е еден мал свет во кој живеат луѓе со различни профили, како симбол на соживот и меѓусебно разбирање – изјави Драш.

Книгата „Веселата зграда“ веќе е достапна во сите книжарници на Литература.мк.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Како е поврзано пиењето кафе со ракот на дебело црево?

Read more

Во која храна ги има трите минерали најважни за тироидната жлезда?

Read more

Книги

КАЈГАНА препорака: Зошто треба да го прочитате крими романот „Нож“ на Ју Несбе?

Read more

Промовирана монографијата 100 години Тиверија

Read more

Нов роман на Фросина Пармаковска

Read more

Објавена книгата Македонската книжевна жена од Ирина Тумбовска

Read more
 

Магазин

Историски заблуди

Читај повеќе

5 совети како да го разгорите повторно вашиот сексуален живот

Читај повеќе

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе

Пет причини зошто треба почесто да јадете тиквички

Читај повеќе

5 причини зошто треба да го ограничите времето што децата го поминуваат пред екрани

Читај повеќе

Потрошувачки кредит на вашата сметка, додека уживате во топло кафе

Читај повеќе