Тим научници во текот на експедиција на Антарктикот открија фосилен отпечаток од стапало на диносаурус, стар околу 200 милиони години.
Станува збор за откриен отпечаток оставен од животно од групата архосаурус, наведува германскиот Сојузен институт за геонаука и природни ресурси од Хановер. Засега, не е познато точно за кој вид диносаурус станува збор.
Научниците го откриле отпечатокот во 2016 година, но нивните откритија се дури неодамна објавени во Polar Research. Покрај коските, научниците откриле и фосилни остатоци од шума на околу 1.700 километри од Јужниот пол.
„Тоа покажува дека Антарктикот пред околу 200 милиони години не бил леден континент каков што е денеска“, вели водачот на експедицијата, Андреас Лауфер.