Пејачот на групата Линкин Парк, Честер Бенингтон е пронајден мртов во неговиот дом во близина на Лос Анџелес. Смртта ја потврди патолог од Лос Анџелес. Претпоставките се дека станува збор за самоубиство. Бенингтон имаше 41 година.
Портпаролот на патологот, Брајан Елиас вели дека ја испитуваат смртта на Бенингтон, иако првичните сознанија укажуваат на самоубиство. Надлежните засега не соопштуваат други детали за настанот.
Групата продаде милиони албуми со музика која е микс од хард рок, хип – хоп и рап. Тие продадоа 10 милиони примероци од нивниот деби албум во 2000-та „Хибридна теорија”, а потоа уште 4 милиони со 2003 година за „Метеора”. Двата албуми ги истражуваат чувствата на фрустрација и бес.
Бенингтон не криеше за проблемите со зависности од дрога и алкохол во различни периоди за време на неговиот живот. Тој беше оженет и татко на шест деца.
