Полицијата денеска по претходно добиени оперативни сознанија и наредба од Основен кривичен суд Скопје изврши претрес во викенд куќа во Катланово каде пронајде лабораторија за производство на марихуана, околу 200 саксии со насади, филтри за воздух и друга опрема за производство, околу два килограми марихуана.
– Полициски службеници од СВР Скопје- Единица за недозволена трговија со дрога и оружје, по претходно добиени оперативни сознанија и наредба од Основен кривичен суд Скопје, извршија претрес во викенд куќа на Н.З. (47) во село Градмановци, Катланово, при што е пронајдена лабoраторија за производство на марихуана, околу 200 саксии со насади, филтри за воздух и друга опрема за производство, околу два килограми марихуана, соопшти МВР.
Н.З. е приведен и против него, по документирање на случајот, ќе биде поднесена соодветна кривична пријава.
Фото: МВР
