Во амазонската прашума е откриена најголемата змија во светот, долга седум метри и тешка 200 килограми.
Професорот Брајан Фрај од Универзитетот во Квинсленд предводеше тим кој фати и проучуваше неколку примероци на новоименуваната северна зелена анаконда (Eunectes akayima), лоцирана во регионот Бамено на територијата Баихуаери Ваорани во Амазон.
На неверојатната снимка што холандскиот биолог Фрик Вонк ја објави на Instagtam, тој плива покрај огромната анаконда.
Досега, само еден вид зелена анаконда, наречена и џиновска анаконда, е идентификувана во Амазон.
Сепак, северната зелена анаконда е потврдена како посебен вид во нова студија, објавена во списанието Diversity овој месец.
„Со 14 научници од девет земји откривме дека најголемите змии припаѓаат на различни видови. Иако изгледаат речиси идентично, генетските разлики меѓу нив се 5,5 отсто, што е огромна стапка. За споредба, луѓето и шимпанзата генетски се разликуваат само за два отсто“, вели професорот Фрај.
