Од МВР соопштуваат дека полициски службеници од СВР-Тетово извршиле претрес на во стан на ул. „146“ во кој како потстанар живее лицето А.Г. (32) од Тетово каде што била пронајдена дрогата.
„При претресот во станот била пронајдена наркотична дрога марихуана со тежина од околу четири килограми. Дрогата била била сокриена во различни делови од станот – во пластично буре, стаклена тегла, најлонско ќесе и во две зипер кеси, во кујната, ходникот и спалната соба“, велат од МВР.
Оттаму додават дека пронајдените предмети, заедно со дрогата, со потврда за привремено одземени предмети, биле одземени и предадени на вештачење.