Специјални тимови денеска пронајдоа уште четири безживотни тела за време на извлекувањето на бродот кој пред две недели потона во Дунав кај Будимпешта. Во бродот се наоѓаше поголема група на туристи од Јужна Кореја.
Бродот Hableany потона за само неколку минути на 29 мај откако во неговата задна страна удри поголем крузер додека двете пловила се наоѓаа под мостот во Будимпешта, каде се криеја од силните врнежи.
Оваа несреќа беше најголема од нејзиниот тип во најголемата европска река во последниот половина век. Во неа загинаа 26 туристи и двајца членови од унгарската посада. Телата на четворица од туристите и понатаму не се пронајдени.
Едно од телата беше пронајдено кога капетанската кабина исплива на површината, објави портпаролот на унгарските специјални сили кои ја координираа акцијата за извлекување на остатоците од бродот. Државната агенција MTI пренесува дека денеска нуркачите пронашле четири тела, а спасувачите им оддадоа почит додека тие беа излекувани од реката.
Капетанот на крузерот Viking Sigin, идентификуван како Ц. Јури (64) од Одеса, Украина, се наоѓа во притвор во својство на осомничен. Неговите адвокати велат дека тој ја сфаќа сериозноста на трагедијата и дека го признава учеството во неа, но дека не направил никаква грешка која би го направила виновен.