Пронајдени се останатите делови од малиот авион што завчера се урна во Западна Алјаска, а сите 10 лица се загинати, соопштија властите.
Авионот Cesna 208B Grand Caravan на Bering Air исчезна од радарот по пат кон Ноум од Уналаклит, во четврток попладне по локално време. Во авионот биле пилотот и 9 патници.
Се известува дека авионот се наоѓал на околу 54 километри од Ноум, на замрзнатото море.
Двајца нуркачи од крајбрежната стража беа спуштени за да ја испитаат ситуацијата, а сега се преземат напори за брзо извлекување на телата, бидејќи во следните 18 часа се предвидува влошување на временските услови и појавување на нестабилен мраз.
Американската Национална управа за безбедност на транспортот (НТСБ) испраќа 9 истражувачи на местото на несреќата за да ги утврдат околностите.
Летањето е најчестиот начин на транспорт во Алјаска поради големата територија и ограничената инфраструктура – повеќето заедници не се поврзани со главните патишта, па се користат мали авиони за транспорт.
Авионот на Bering Air опслужува 32 села во западна Алјаска, поврзани со центри како Ноум, Коцеб и Уналаклит, со два лета дневно од понеделник до сабота за повеќето дестинации.
Оваа несреќа е трета голема во САД во последните осум дена. На 29 јануари, патнички авион и воен хеликоптер се судрија во Вашингтон, при што загинаа 67 лица, а на 31 јануари медицински транспортен авион се урна во Филаделфија, со загуба на сите 6 лица во авионот и едно лице на земја.
