Сите ги имаме во кујната, но под посебни услови може да станат многу опасни.
Компирите се храна која речиси секогаш ја имаме дома бидејќи се практични, можат да се приготват на многу начини, а во исто време се вкусни и даваат многу енергија. Ако ги чувате на темно и ладно место, ќе останат свежи подолго, но ретко кому му се случило компирот да никне пред употреба, особено затоа што најчесто живееме во станови и немаме можност да го чуваме на ладно место.
Обично го игнорираме фактот дека проникнал. Едноставно ги отстрануваме никулците и го подготвуваме како што сме замислиле. Сепак, не секој проникнат компир може да се јаде. На што да се обрне внимание?
Потребно е да се процени колку никнале компирите - дали никулците се кратки и ги нема многу или веќе многу пораснале. Колку повеќе се, толку повеќе има соланин во компирот, малку токсична супстанца која кај луѓето може да предизвика симптоми како што се главоболки, дијареа и повраќање.
Ако никулците никнале и покрај соодветното складирање, најдобро е повнимателно да ги прегледате компирите. Ако кртулата освен што има никулци е мека и збрчкана, голема е веројатноста дека содржи голема количина соланин и не треба повеќе да се јаде. Но, ако компирот е сè уште тврд и има свој облик, а проникнал само на неколку места, слободно продолжете да го јадете.
Едно е јасно - никулците, како и деловите од компирите кои се зелени, треба да се отстранат. Тогаш нема опасност по здравјето, дури и со проникнати компири.
