Просечната нето плата во Словенија се зголемила за 3,7% во номинална вредност, односно за 2,1% во реална вредност и сега изнесува 1.133,50 евра во споредба со просечните месечни примања во земјата во 2019 година, објави Државниот завод за статистика.
Просечната бруто плата во 2019 година се искачи на 1.753,84 евра, што е зголемување од 4,3 отсто во споредба со 2018 година.
Бруто платата во приватиот сектор се зголеми за 3,9%, а во јавниот за 5,4%, со неверојатно згоелмување од 65% во владиниот сектор. Растот на платите во јавниот сектор главно се должи на новиот договор за платите за кој беше постигнат договор кон крајот на 2018 година по преговори со синдикатите.
Највисоки месечни примања во 2019 година во Словенија биле исплатени во енергетскиот сектор (снабдување со струја, гас, парно и ладење) – просечната плата во овој сектор изнесува 2.628,55 евра.
Според Државниот завод за статистика, најголемо зголемување на платите од 8,9% имаше во јавната администрација и во одбраната.
Просечната бруто плата во декември изнесуваше 1.855,25 евра, што е намалување од 2,2% во однос на ноемвриската плата истата година, што се должи на исплаќањето на божиќните бонуси во ноември.
Просечната нето платата за декември изнесуваше 1.214,93 евра, што беше намалување од 1,6 отсто во споредба со ноември.