На автомобилскиот саем во Женева Honda ќе претстави концепт кој ќе го најави серискиот модел на хечбекот Civic. Фотографиите што протекоа се со мала резолуција, но сепак се официјални и го покажуваат концептот кој има каросериски додатоци за да изгледа малку поагресивно.
Според пишувањето на Carscoops, концептот може да биде најава за спортската верзија на хечбекот, како што е Type S моделот, кој ќе биде послаба верзија на моќниот Type R со 2.0 литарски мотор со 230 коњски сили.
За европскиот пазар, Honda веќе потврди дека ќе има два нови VTEC турбо бензински мотори со зафатнина од 1.0 литри и 1.5 литри, а ќе биде достапен и моќниот 2.0 VTEC агрегат.