Златната топка ќе биде доделена на 17 октомври во Париз, а како што сега стојат работите ќе му биде доделена на Карим Бензема.
Како и секоја година, неколку недели пред доделувањето, некако „протекуваат“ резултатите од гласањето, а така беше и овојпат.
Ако ѝ се верува на фотографијата која кружи на интернет, Златната топка ќе ја добие Карим Бензема.
Во гласањето на France Football, францускиот претставник и капитен на Реал Мадрид доби 521 глас и извојува убедлива победа над второпласираниот Садио Мане, додека третото место го зазеде Винисиус Жуниор.
Победата на Бензема беше очекувана со оглед на тоа што годинава Златната топка ќе се доделува врз основа на претходната натпреварувачка сезона, а не врз основа на постигнатите резултати во текот на календарската година.
Бензема веќе доби награда за достигнувања во текот на изминатата сезона - титулата најдобар играч во Европа што му ја додели УЕФА во август.
Во сезоната зад нас, Бензема го предводеше Реал Мадрид до нова титула на Европското првенство, а во Шпанија доминираше со мадридскиот клуб и ќе стане првиот Французин од 1998 година кој ја освоил „Златната топка“. Најпрестижниот трофеј го освои Зинедин Зидан пред 24 години.
