Во Берлин денеска се одржува протест против рестриктивните мерки воведени за да се спречи ширењето на коронавирусот, под наслов „Крај на пандемијата – Ден на слободата“.
Свирејќи со свирчиња и извикувајќи пароли, насобраните луѓе, од кои само мал број носеа заштитни маски, прошетаа од Бранденбуршката порта пред протестот што ќе се одржи на поширокиот булевар.
Демонстрантите носеа плакати со пароли „Корона, лажна тревога“, „Принудени сме да носиме муцки“ и „Природна одбрана наместо вакцинација“. Демонстрантите извикуваа дека нема да дозволат одземање на нивната слобода.
Во Германија во изминатите 24 часа регистрирани се 955 новозаболени со COVID-19, што е најголем дневен пораст од 9 мај.
Пандемијата во Германија е ставена под контрола, но властите изминатите недели предупредуваат на голем број нови случаи на заразазени.
