Протестен марш на иницијативата „Култура или Фис-култура?“

Александра Спасеска
/ 25.02.2021 / 13:37

Уметници и културни работници од иницијативата „Култура или Фис-култура?“ најавија протестен марш по последните случувања во културата во Северна Македонија.

Протестниот марш е закажан за в среда, 3 март, со почеток во 12 часот, од Паркот Ибни Пајко во Скопје.

„Стратегијата за развој на културата 2018-2022 година беше најавувана како ‘Стратегија на ослободување од режимските културни политики на претходната власт’ преку инсталирање на нов модел кој ќе го анулира претходно воспоставениот модел на арбитрарна и клиентелистичка власт, која ја партизира културата, задушувајќи ја нејзината автономија и општествена важност. Мошне впечатлив и значаен момент во документот е ставот дека е неопходно ослободување од затвореноста, нестручноста и непрофесионалноста, од бирократијата и клиентелизмот, од манипулацијата и нетранспаретноста. За жал, културата е далеку од ‘ослободена од заробеноста’ и принципите на Стратегијата изгледаат како хипокритична демагогија на парче хартија, затоа што во реалноста состојбите се дијаметрално спротивни и поразителни. Сѐ уште сме сведоци на партизација на институциите, каде што припадноста на партијата е повисок критериум за избор на раководно лице, член на управен одбор, па дури и обичен вработен, од критериумите на стручност, образование, искуство и компетентност кои произлегуваат од објективното расудување и се предвидени со Закон“, велат од иницијативата во најавата за протестниот марш.

Оттаму додаваат дека имаат силна волја да помогнат во доследното почитување на „’вашите’ и ‘наши’ принципи“, наведени во националната Стратегија и и ќе упатат пет барања до донесувачите на одлуки.

Барањата се:

1. Разрешување или оставка на новоименуваниот директор на НУЦК „Антон Панов“ – Струмица, поставување на в.д. директор од редот на носителите на дејност и распишување на нов конкурс за избор на директор најдоцна во рок од шест месеци согласно Законот за култура.

2. Измени во членот 27 од новиот Предлог закон за остварување на јавниот интерес во културата и негово усвојување во најбрз можен рок. Измените во членот 27 се со цел заострување на критериумите за избор на директори и во таа насока бараме за неговото назначување да одлучува комисија која нема да биде составена само од членови кои доаѓаат од редот на вработените во Министерството за култура, туку во неа да учествуваат и надворешни, истакнати стручни лица со сериозен кредибилитет од дејноста за која се распишува конкурсот за раководното место. Изборот да се врши транспаретно, со видео и аудио снимка на интервјуата од кандидатите, нивно јавно презентирање, како и јавно објавување на програмите за работа на кандидатите, сѐ со цел да се отфрли сомнежот за манипулација при изборот и да се избегне криењето зад формално-правните процедури. Одлуката за избор на директор да ја носи комисијата согласно конкретно дефинирини критериуми и бодувања, со што нејзината улога нема да биде само едноставно утврдување на комплетноста на поднесените апликации, а со тоа ќе се намали и дискреционото право на Министерот да одлучува и да носи политички одлуки кои се навредливи за културата и целото општество.

3. Вештачење и јавна проверка на приложените документи за докажано работно искуство во областа на културата и конкретната дејност на сите актуелни и идни кандидати за раководните позиции во институциите од културата.

4. Вештачење на приложените сертификати и јавна проверка на познавањето на англиски јазик на сите актуелни и идни кандидати за раководните позиции во институциите од културата.

5. Јавно објавување на програмите со кои конкурирале сите актуелни раководители на институции, програмите на нивните противкандидати, како и јавно објавување на програмите на сите идни кандидати за раководните позиции во институциите од културата.

реклама

Каков секс сакаат жените?

Read more

Фудбалските лиги повторно пред прекин?

Read more

Три хороскопски знаци кои ги очекува финансиско подобрување во мај

Read more

Реакцијата на маче додека го гледа „The Lion King“ стана хит на интернет

Read more

Култура

Објавени два тома од Душан Стојковиќ за современата македонска книжевност

Read more

Заев: Родната куќа на Конески во Небрегово е прогласена за спомен дом, како значаен споменик на културата

Read more

Античкиот Аударист на Кавадарци може да му носи приход од милион евра

Read more

Хераклеја Линкестис си го добива назад Римскиот пат

Read more
 

Вести

Вучиќ: Американците го поддржаа мини-шенген десет пати повеќе од Европејците

Читај повеќе

Гостиварец присилно ја омажил 19-годишната ќерка во Шуто Оризари каде била силувана

Читај повеќе

Исчезнатата подморница во Индонезија е премногу длабоко за да се извлече

Читај повеќе

Филипче: Состојбата со вирусот се смирува, епидемиолошката крива спласнува

Читај повеќе

Заев: Околу 750 вработени според Рамковен се веќе распоредени

Читај повеќе

Регистрирани 603 нови случаи на COVID-19, 39 починати

Читај повеќе

Заев: Во Буџетот има пари за исплата на шестиот пакет економски мерки

Читај повеќе

Европската комисија подготвува тужба за AstraZeneca

Читај повеќе

Русија почна воени вежби на Крим, вклучени над 10.000 војници

Читај повеќе