Интернет

Проверете дали вашите податоци се наоѓаат во база на украдени лозинки

18. мај 2017 - 12:09 | Д.Л.

Стручњаците од Центарот за истражување и анализа на безбедност Kromtech, во соработка со експертот за интернет безбедност Трој Хант, пронајдоа огромна база на податоци во која се наоѓаат преку 560 милиони имејл адреси и лозинки, кои ги собрала и објавила непозната личност.

Повеќето од овие информации можат да се најдат на страницата на Хант наречена Have I Been Pwned, која им овозможува на корисниците да проверат дали лозинките им се украдени во некоја од претходните големи кражби во сигурносните системи на сервисите.

Повеќето податоци кои се наоѓаат во оваа огромна база се украдени со хакирањето на LinkedIn, Dropbox и Tumblr.

Доколку сакате да проверите дали вашите лозинки се наоѓаат меѓу украдените, тоа може да го направите тука.

Коментирај