Фудбалерот на Барселона беше испратен од теренот синоќа по еден жолт и директен црвен картон на натпреварот со Малага, што го зацементира поразот на неговиот тим.
Малага ја победи Барселона со 2:0, во 31. коло во Ла лига и ги оддалечи Каталонците од борбата за тулата. Барселона одигра лош меч во Малага и таквиот пристап ја чинише четата на Луис Енрике пораз што веројатно значи крај на шампионските амбиции.
Бразилскиот напаѓач во првото полувреме доби жолт картон поради провокативно врзување на патиките веднаш до топката пред слободниот удар за Малага. Судијата Гил Манзано не ги прифати неговите изговори и му даде жолт картон.
Барселона во 65. минута остана со играч помалку кога Нејмар доби директен црвен картон.
Малага, која е во опасната зона, до водство стигна во 32. минута со голот на Сандро Рамирез, а за конечни 2:0 Џони во 90. Минута реализираше контранапад.
По 31. коло Реал остана лидер со 72 бода три повеќе и натпревар помалку од Барселона, Атлетико е трет со 62, бод повеќе од Севолја, додека Малага е на 14-то место со 33 бода.
Кога Нејмар излегуваше од теренот, саркастично аплаудираше кон судијата, што може да му донесе сополнителни проблеми. Нејмар ќе биде суспендиран еден натпревар за два жолти картони, но најверојатно ќе добие суспензија уште за два до три, согласно Членот 117 од дисциплинскиот кодекс, за противење на официјално лице.
Барселона игра со Реал Сосиедад следниот викенд, а потоа со Класико на 23 април.