Русија и САД денес испраќаат екипаж на Меѓународната вселенска станица во прва заедничка мисија од руската инвазија во Украина.
Со капсулата Сојуз ќе полетаат космонаутите Сергеј Прокопјев и Дмитриј Петелин, како и астронаутот Френк Рубио на НАСА. Лансирањето е закажано од космодромот Бајконур , летот до Станицата ќе трае 3 часа, додека екипажот ќе мине 3 месеци во вселената.
Пред неколку недели Рубио соопшти дека станува збор за „многу важна мисија“, додавајќи дека станал добар пријател со членовите на рускиот екипаж.
Соработката на НАСА со руската вселенска агенција Роскосмос ја оцени како „добра и силна“, без оглед на напнатоста меѓу Москва и Вашингтон.
„Мислам дека е важно кога минуваме низ моменти на напнатост во други сфери, човечкиот лет во вселената и истражувањата, страста што ја делат двете агенции, да остане еден вид облик на дипломатија и партнерство. Нешто што го делиме и настојуваме заеднички да постигнеме исклучителни работи“, изјави американскиот астронаут.
