Porsche не штедеше време по откривањето на новото 911 Turbo S за да навести што ќе биде следно за моќниот нов модел.
Не беше тајна дека новата генерација ќе биде достапна и во купе и во кабрио варијанта.
Д-р Франк-Штефен Валисер, директор на производните линии 718 and 911, за Auto Express отрки дека подоцна годинава може да ја очекуваме полесната верзија на овој автомобил.
Новото Turbo S веќе постигнува забрзување од 100 км/ч за 2,7 секунди, иако е јасно дека ако се намали тежината на возилото може да очекуваме соодветна промена на перформансите.
Максималната брзина изнесува 334 км/ч. Валисер рече дека Porsche ќе работи на „изолација на бучавата“ заедно со намалувањето на тежината на моделот. Тој исто така навести дека можно е да го снема задниот ред седишта.
Обновениот 3.8-литарски шестцилиндарски мотор со два турбополначи произведува 640 коњски сили и максимален вртежен момент од 800 Nm, што е повеќе во споредба со претходната генерација.
