Škoda објави први фотографии од внатрешноста на својот модел Kodiaq RS.
Една недела пред светската премиера закажана за саемот на автомобили во Париз, чешкиот производител го откри изгледот на ентериерот на спортската верзија на својот голем SUV.
Kodiaq RS стандардно е опремен во спортски седишта кои облечени во навлаките „Alcantara“, додека седиштата, кожните облоги на воланот и менувачот се шиени со контрастно црвен конец, за да се нагласи спортскиот имиџ на автомобилот.
Кожата на работ на седиштата и сегментите на командната табла, имаат текстура која потсетува на материјал од јаглеродни влакна (Carbon Fiber).
Kodiaq RS ќе биде достапен во верзии со 5 и 7 седишта, додека моторизацијата се состои строго од 2.0 би-турбо TDI мотор, поврзан со автоматски DSG менувач на брзини.
Силата се пренесува на сите четири тркала.
Škoda најави дека моделот Kodiaq RS стандардно ќе се испорачува со 20 инчни алу фелни, LED фарови и дигитална инструмент табла, прилагодена на RS верзијата.
За возачот и патниците да можат уште подобро да го почувствуваат звукот при возењето во спортски автомобил, чешкиот произведувач за прв пат во еден свој модел ќе вгради генератор за вештачки звук на моторот, Dynamic Sound Boost.
