Филм & ТВ

Прв трејлер за акциониот трилер „Point Blank“ на Netflix

22. јуни 2019 - 17:17 | А.С.

Netflix го објави првиот трејлер за „Point Blank“.

Да нема забуни, овој филм нема врска со истоимениот класик од 1967 година на Ли Марвин.

Во овој „Point Blank“, Ентони Меки ја игра улогата на болничар од Итната служба чија бремена сопруга ќе биде киднапирана од корумпиран полицаец. За да ја спаси, ќе мора да ослободи познат криминалец (Френк Грило) од болницата и заедно ќе тргнат во потрага по лошите момци.

Ова не е прв обид на Netflix да направи акционен филм со звучни имиња. Меки и Грило се сосема солидни актери, но се чини дека изборот за овие „случајни партнери“ е направен по малку генерички.

Можеби нема да биде филм на годината, но судејќи по трејлерот, ќе биде добар за да „отепате“ некое саботно попладне откако ќе помине премиерата на 12 јули.

Коментирај