Netflix објави трејлер за филмот „Blonde“ заедно со неколку впечатливи фотографии од Ана де Армас во улогата на Мерлин Монро, кои покажуваат значајна трансформација на актерката и голема сличност со холивудската икона.
Меѓу фотографиите објавени во Vanity Fair е и една од Ана де Армас со Адриен Броди, кој во филмот го игра сопругот на Мерлин Монро - Артур Милер.
Објавена беше и снимка од Де Армас снимена од режисерот Ендрју Доминик заедно со актерот Боби Канавале како Џо Димаџо.
Доминик го напиша и го режираше филмот заснован на романот на Џојс Керол Оутс спојувајќи ги фактите и фикцијата за одново да го замисли животот на големата холивудска ѕвезда, истражувајќи го јазот помеѓу приватните и јавните личности на Монро.
Филмот за Мерилин е еден од најочекуваните наслови што ќе се натпреварува на филмскиот фестивал во Венеција.
Шефот на Канскиот филмски фестивал Тјери Фремо претходно изјави дека се обидел да го вклучи во изборот за 2022 година, но не успеал да постигне компромис со Netflix.