Paramaunt+ го објави официјалниот трејлер за MobLand, нова гангстерска серија на Гај Ричи, креаторот на хит филмот и серијата The Gentleman.
Главната улога во серијата ја толкува Том Харди, кој игра криминалец кој му помага на мафијашкото семејство Хариган. Семејството е предводено од сопружниците Конрад и Мејв, кои ги играат Пирс Броснан и Хелен Мирен.
Серијата ќе го следи крвавиот конфликт помеѓу криминалните семејства Хариган и Стивенсон, кои се борат за превласт над криминалното подземје.
Покрај веќе наведените ѕвезди, во актерската екипа се и Педи Консидин, Џоан Фрогат, Лара Пулвер, Енсон Бун, Мандип Дилон, Јасмин Џобсон, Алекс Фајн, Џеф Бел, Даниел Бетс, Лиза Дван и Емили Барбер.
Креатор на серијата е Ронан Бенет, кој исто така служи како извршен продуцент заедно со Ричи, Дејвид К. Гласер, Рон Буркл, Боб Јари, Дејвид Хаткин, Иван Аткинсон, Кит Кокс, Нина Л. Дијаз, Џез Батерворт, Крис Тајкер и Том Харди.
MobLand првично беше замислена како продолжение на крими серијата Ray Donovan и требаше да се вика The Donovans, но за време на продукцијата стана оригинална приказна која нема никаква врска со серијата на Showtime.
Серијата MobLand ќе има премиера на 30 март во САД, Канада, Велика Британија и Австралија. Не е познато кога серијата ќе биде достапна во другите делови на светот.
