Ноќеска во НБА се одиграа само четири натпревари, а најзабележителен поединец беше Брендон Инграм кој оствари трипл-дабл во победата на Њу Орлеанс.
Њу Орлеанс Пеликанс триумфираше над Шарлот Хорнетс со 115:96, а феноменален беше Инграм кој натпреварот го заврши со 30 поени, 11 скока и 10 асистенции.
Тоа беше првиот трипл-дабл за Инграм во неговата кариера, а стана само третиот играч во историјата на Њу Орлеанс кој имал трипл-дабл со 30 поени.
Тој исто така стана само осмиот играч во историјата на НБА со трипл-дабл со 30 поени без ниту една загубена топка.
На другата страна најзабележителен беше Ник Ричардс кој постигна 9 поени со 14 скока.
Во највозбудливиот натпревар на вечерта се сретнаа Бруклин Нетс и Кливленд Кавалирс, а гостите славеа со 116:114. Еван Мобли го предводеше Кливленд до победата со 26 поени и 16 скока, додека Спенсер Динвиди постигна 25 поени и 12 асистенции за поразениот тим.
Орландо Меџик го совлада Њујорк Никс со 111:106 на крилата на Паоло Банчер (21 поен, 6 скокови), додека Каваи Ленард (32 поени, 6 скока, 6 асистенции) ги предводеше ЛА Клиперс до победата над Оклахома Сити од 127:105.
Резултати:
Орландо Меџик - Њујорк Никс 111:106
Бруклин Нетс - Кливленд Кавалирс 114:116
Њу Орлеанс Пеликанс - Шарлот Хорнетс 115:96
Лос Анџелес Клиперс - Оклахома Сити 127:105
Табела:
